සටහන: සශිකලා මධුෂාණි
නොවැම්බර් 25; ලෝකය(අවුට්බවුන්ඩ් ටුඩේ) : හිස්බුල්ලා සංවිධානය විසින් ඊයේ(24)දිනයේදී දකුණු ඊශ්‍රායලයේ Ashdod නාවික කඳවුර ඉලක්ක කරගනිමින් ටෙල්අවිව් වෙත දැවැන්ත ප්‍රහාරයක් දියත් කර ඇති බව වාර්තා වේ.
මෙහිදී හිස්බුල්ලා සංවිධානය විසින් උසස් මිසයිල 350ක් සහ ප්‍රහාරක ඩ්‍රෝන යානා යොදා ගෙන තිබූ අතර ප්‍රහාර හේතුවෙන් එක් අයෙකුගේ තත්වය බරපතල බව වාර්තා වන අතර 11 දෙනෙකු තුවාල ලබා තිබේ.
ලෙබනනයේ හිස්බුල්ලා සංවිධානය ගාසා තීරයේ හමාස් සංවිධානයට සහය දැක්වීම සඳහා ක්‍රියා කරන බව පවසමින් වසරකට ආසන්න කාලයක් සීමා මායිම් හරහා සිදු වූ වෙඩි හුවමාරුවෙන් අනතුරුව ඊශ්‍රායල ප්‍රහාරවලින් ලෙබනනයේ 3,500 කට වැඩි පිරිසක් මිය ගොස් ඇති අතර ගැටුම් හේතුවෙන් මිලියන 1.2 ක ජනතාවක් එනම්, ලෙබනනයේ ජනගහනයෙන් හතරෙන් එකක් අවතැන් වී ඇත.
