සටහන – රුවන් නෙළුගොල්ල
ඊයේ (නොවැම්බර් 25) රාත්රියේ සිට ලැබෙන අධික වර්ෂාපතනය හේතුවෙන් මොනරාගල දිස්ත්රික්කයේ සියඹලාණ්ඩුව සහ අම්පාර දිස්ත්රික්කයේ ලාහුගල ප්රාදේශීය ලේකම් කොට්ඨාශවලට අයත් හැඩ ඔය ආශ්රිත පහත් බිම් ප්රදේශවලට ඉදිරි පැය 48ක කාලය තුළ ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව පවසයි.
එසේම මහවැලි ගඟෙහි ඇතැම් ධාරා ප්රදේශවලට ඊයේ සිට ලැබෙන වර්ෂාපතනය හේතුවෙන් මහවැලි ගඟ ද්රෝණියේ දිඹුලාගල, එච්චලම්පට්ටෙයි, හිඟුරක්ගොඩ, කන්තලේ, කින්නියා, කොරාලෙයිපත්තු උතුර, ලංකාපුර, මැදිරිගිරිය, මුතූර්, සේරුවිල, තමන්කඩුව, තම්පක්කමම් හා වැලිකන්ද ලේකම් කොට්ඨාශවලට අයත් මහවැලි ගඟ ආශ්රිත පහත් බිම් ප්රදේශවලට ඉදිරි පැය 48ක කාලය තුළ ගංවතුර තත්ත්වයක් ඇතිවිය හැකි බවත් එම දෙපාර්තමේන්තුව නිවේදනය කර ඇත.
ඒ අනුව මේ සම්බන්ධයෙන් දැඩි විමසිල්ලෙන් පසුවන ලෙසත් ඇතිවිය හැකි ගංවතුර තත්වයකින් ආරක්ෂා වීමට පියවර ගන්නා ලෙසත් වාරිමාර්ග දෙපාර්තමේන්තුව අදාළ ප්රදේශවල වෙසෙන ජනතාවගෙන් ඉල්ලා සිටින අතර මේ සම්බන්ධව අවශ්ය පියවර ගන්නා ලෙස ආපදා කළමනාකරණ අංශවලින් ද ඉල්ලා සිටී.
RN
