කොළඹ LNW:මෙතෙක් මේ රට පාලනය කළ සාම්ප්රදායික දේශපාලන පක්ෂ ප්රතික්ෂේප කිරීමේ කාලය එළඹ ඇති බව අතිඋතුම් මැල්කම් රන්ජිත් කාදිනල් හිමියෝ පැවැසුහ.
කාදිනල් හිමිපාණන් මේ බව සඳහන් කළේ ඊයේ (26) රාත්රියේ බණ්ඩාරනායක ජාත්යන්තර සම්මන්ත්රණ ශාලාවේ පැවති සිග්නීස් සිනමා සම්මාන උළෙලට සහභාගී වෙමිනි.
රජය,සමාජ මාධ්ය නියාමනයට යැයි කියමින් ඒකාධිපති නැඹුරුවක් තුළ ජනතාවගේ අදහස් ප්රකාශ කිරීමේ හා සත්ය සොයායෑමේ අයිතිය සීමා කිරීම සඳහා පනතක් ඉදිරිපත් කර තිබෙන බව උන්වහන්සේ සඳහන් කළහ.
රට ඒකාධිපතිවාදය වෙත මෙහෙයවන්නට ක්රියාත්මක කරන එවැනි ප්රයත්නයන් පරාජය කිරීම දේශමාමක හා ජනතාහිතෛෂී ජනමාධ්යයේ යුතුකම බවයි උන්වහන්සේ සඳහන් කළේ.
ඒ අනුව මෙතෙක් අප රට පාලනය කළ පාරම්පරික දේශපාලන පක්ෂ ප්රතික්ෂේප කිරීමේ කාලය එළඹී ඇති බවත් දේශපාලන, පවුල්වාදය හා පරගැතිබව තුරන් කරමින් රටතුළ නව ප්රබෝධයක් ඇති කරලීමේ කාලය අත ළඟ බවත් උන්වහන්සේ අවධාරණය කළහ.
‘‘ඇස්බැස්ටෝස් තහඩුවට, රුපියල් 5,000ට හෝ බත්මුලට මත්පැන් බෝතල් භාගයට ඡන්දය භාවිතා කළ යුගය අපි අවසන් කළ යුතුයි. සම්ප්රදායික ජනපීඩක දේශපාලකයින් වෙනුවට රටට ආදරය කරන නව නායකත්වයක් කරා යමින් අප දේශය නව විමුක්තියක් කරා රැගෙන යෑමට ඊළඟට අපි සැවොම ක්රියාකළ යුතුය.” යනුවෙන් උන්වහන්සේ වැඩිදුරටත් ප්රකාශ කළහ.
ASK
