රෂිකා හෙන්නායක නොවැම්බර් 29, කොළඹ LNW :
ත්රිවිධ හමුදාව සහ පොලීසිය එක්ව සිදුකළ මෙහෙයුමකින් අනතුරුව , පුත්තලම සහ අනුරාධපුර මාර්ගයේ කලා ඔය ආශ්රිතව බස් රථයක සිරවී සිටියදී අසල තිබූ නිවසක වහලයක් මත රඳවා සිටින මගීන් 67 දෙනාම බේරා ගෙන තිබේ.
එම බේරාගත් පිරිස අතර විදෙස් ජාතික කාන්තාවක් සිටින බව වැඩිදුරටත් වාර්තා වේ .
මේ අතර, රාජාංගනය, ගිරිබාව ප්රදේශයේ ගංවතුර හේතුවෙන් සිර වී සිටි පුද්ගලයින් 33 දෙනෙකු ගුවන් හමුදාව විසින් බේරාගෙන තිබේ. අනුරාධපුර කඳවුරේ අංක 6 බලඝණයට අයත්, MI -17 හෙලිකොප්ටර් යානයක් එම ස්ථානයට ගොඩබස්වා සියලු පුද්ගලයින් නිර්පද්රිතව බේරා ගෙන අනුරාධපුර ගුවන් හමුදා කඳවුර වෙත යොමුකර කළ බව ගුවන් හමුදාව පවසයි.
