ගැඹුරු අඳුරු සෙවනැලි
වැටී ඇති මාවතක
තටුගසා ඉගිලෙන මෙරුවනි
මේ ගීය ඔබටයි !
ආලෝක බින්දුවක් දුර ඈත දැක දැක
මෑත වෙහෙසව හතිලන ඉකිලන
හීනෙනුත් තිගැස්සෙන ඇහැරී බියවන
යලි කිසිදාක ස්මරණ නොකරමියි පවසන
මේ අඳුරු මාවතෙන් ඉක්මනින් නික්මෙන්න !!
ගැඹුරු අඳුරු සෙවනැලි
වැටී ඇති මාවතක
තටුගසා ඉගිලෙන මෙරුවනි
මේ ගීය ඔබටයි !
වනපෙත මැදින් වැටී ඇති බොරළු මග
දෙපස අතුපතර මැද මැසිමාරන් සැඟව ඇති
කොතරම් වෙහෙස දැනුනත් දෑස නම් නොපියනු
ඇසිපියලි හලන මොහොතත් ලතැවුලට හේතුවකි
වෙනදාට වැඩියෙන් දෑස් දල්වන් ඉන්න !!
ගැඹුරු අඳුරු සෙවනැලි
වැටී ඇති මාවතක
තටුගසා ඉගිලෙන මෙරුවනි
මේ ගීය ඔබටයි !
ශේෂ වූ පැතුම් ඇති ඉස ගලේ ගසාගෙන
වැලපිලා තැවිලා සුසුම්ලා අහවරව
ඉගිලෙන්න පියාපත් විදාලන මොහොතෙදි
හිස වූ මහ බරෙන් අඩක් වත් හැරයන්න !
ආලෝකය ඉපදී, පවතී නැතිවී යයි !
එබැවින් යුහුසුළු වන්න !
මේ කල්පාවසානයෙහි ස්තුති කථාවේ
මෙරුන්ගේ පරිච්ඡේදයෙහි කොටසක් වන්න !!
ගැඹුරු අඳුරු සෙවනැලි
වැටී ඇතිමාවතක
තටුගසා ඉගිලෙන මෙරුවනි
මේ ගීය ඔබටයි !
~ MKCP ශෂීන්
RN
