කොළඹ LNW: අයහපත් කාලගුණයෙන් ආපදාවට පත් නොවූ සියළු රාජ්‍ය සේවා අද (01) දිනයේ සිට සාමාන්‍ය පරිදි ක්‍රියාත්මක වන බව රාජ්‍ය පරිපාලන අමාත්‍යංශය නිවේදනය කරයි.
අයහපත් කාල ගුණය හේතුවෙන්, අත්‍යවශ්‍ය සේවා හැර, රාජ්‍ය අංශයේ අනෙකුත් සේවා සදහා පසුගිය සිකුරාදා දිනයේ දී නිවාඩු ලබා දී තිබුණු අතර ආපදා තත්ත්වයෙන් පීඩාවට පත් ජන ජීවිතය යථා තත්ත්වයට පත් කිරීම සඳහා අවශ්‍ය කටයුතු වෙනුවෙන් අත්‍යවශ්‍ය සේවා අධ්‍යක්ෂ ජනරාල්වරයාගේ ප්‍රධානත්වයෙන්, අග්‍රාමාත්‍ය කාර්යාලය කේන්ද්‍ර කර ගනිමින් ‘අත්‍යවශ්‍ය සේවා කොමසාරිස් ජනරාල් කාර්යාලයක්’ ස්ථාපිත කිරීමට ද කටයුතු කර තිබේ.
ආපදා කළමනාකරණය කිරීම මේ වන විටත් ක්‍රියාත්මක අතර ජන ජීවිතය කඩිනමින් සාමාන්‍ය තත්ත්වයට ගෙන ඒමට රජය අපේක්ෂා කරයි.
ආශිකා බ්‍රාහ්මණ
