කොළඹ LNW:‘එක් තීරයක් එක් මාවතක්’ වැඩපිළිවෙළ පොදු ප්රයත්න යටතේ තවදුරටත් ශක්තිමත් කිරීමේ අවශ්යතාව චීන ජනාධිපති ෂී ජින්පිං මහතා අවධාරණය කර තිබෙනවා. ඒ ඊයේ(02) බෙයිජිං හි පැවති ‘එක් තීරයක් එක් මාවතක්’ වැඩපිළිවෙළ පිළිබඳ සිව් වන රැස්වීමේ දී.
වත්මන් දැඩි හා සංකීර්ණ ජාත්යන්තර පරිසරය යටතේ, ‘එක් තීරයක් එක් මාවතක්’ වැඩපිළිවෙළ පොදුවේ ඒකාබද්ධව ගොඩනැගීමේදී අවස්ථා මෙන්ම අභියෝග ද පවතින නමුත්, සමස්තයක් වශයෙන් අභියෝගවලට වඩා අවස්ථාවන් වැඩි බව ෂී ජින් පිං මහතා එහිදී ප්රකාශ කර තිබෙනවා.
2013 වසරේ දී ඇරඹි ‘එක් තීරයක් එක් මාවතක්’වැඩපිළිවෙළ චීන කොමියුනිස්ට් පක්ෂයේ නායකත්වය මෙන්ම විවිධ පාර්ශ්වයන්ගේ සහයෝගය යටතේ ක්රියාත්මක වුණා. එම වැඩපිළිවෙළ හා සම්බන්ධ රටවල් අතර සහයෝගීතා ක්ෂේත්ර අඛණ්ඩව පුළුල් වී එහි ජාත්යන්තර බලපෑම ද අද වනවිට ක්රමයෙන් ශක්තිමත් වී ඇතැයි ෂී ජින් පිං මහතා පෙන්වා දුන්නා. මේ ඔස්සේ විශාල ජයග්රහණයක් අත්පත් කර ගෙන තිබෙන අතර ඊට සම්බන්ධ රටවල ආර්ථික හා සමාජ සංවර්ධනය සඳහා චීනයේ දායකත්වයක් ලබා දී තිබෙන බව ද ජනාධිපතිවරයා පැවසුවා.
ඒකපාර්ශ්වවාදය සහ ආරක්ෂණවාදය සැලකිය යුතු ලෙස වැඩිවෙමින් පවතින වත්මන් ගෝලීය පසුබිම තුළ ‘එක් තීරයක් එක් මාවතක්’වැඩපිළිවෙළ පොදුවේ ශක්තිමත් කළ යුතු බවයි චීන ජනාධිපතිවරයා වැඩිදුරටත් එහිදී සඳහන් කළේ.
දිනූෂි ධීරසිංහ
