රෂිකා හෙන්නායක දෙසැම්බර් 07, කොළඹ LNW :
බූස්ස බන්ධනාගාරයේ රැදවියන් පිරිසක් ඔවුන් සිටින සිර මැදිරිවලින් වෙනත් සිරමැදිරිවලට මාරු කිරීමට යාමේදී , ඇති වු නොසන්සුන්කාරී තත්ත්වයකදී එම බන්ධනාගාරයේ බන්ධනාගාර අධිකාරීවරයෙකු තුවාල ලබා තිබේ.
ඒ අනුව, අදාළ මාරුකිරීම්වලට රැදවියන් විරෝධය පළ කර ඇති අතර, රැදවියන් විසින් සිදුකළ පහරදීමේදී බන්ධනාගාර අධිකාරිවරයෙකුට මෙසේ තුවාල සිදුව ඇති බව වාර්තා වේ.
බන්ධනාගාර ආරංචිමාර්ග සඳහන් කළේ, බන්ධනාගාර අධිකාරිවරයාගේ නාසයට තුවාල සිදුව ඇති බවයි. මේ වන විට තත්ත්වය සමතයකට පත් කර ඇති බව වැඩිදුරටත් සඳහන් වේ.
