සටහන – රෂිකා හෙන්නායක
කොළඹ (LNW): 2024 වසරේ මුල් කාර්තුවේදී විදුලි බිල අඩුවිය හැකි බවට අපේක්ෂාවක් ඇතැයි නාගරික සංවර්ධන හා නිවාස අමාත්ය ප්රසන්න රණතුංග මහතා පවසයි.
විදුලිබිල වැඩිවීම සම්බන්ධයෙන් මාධ්යවේදියකු නැගූ ප්රශ්නයක්ට පිළිතුරු දුන් ප්රසන්න රණතුංග මහතා,
“ අපි හැමෝම දන්නවා පසුගිය අවුරුද්දකට කලින් මේ රටේ මොකක්ද වුණේ කියලා. පැය 13 ක් විදුලිය කපා දැමූ රටක්. ඉන්ධනවල ගැටළුවක් තිබුණා. අත්යාවශ්ය බෙහෙත්වල ගැටළුවක් තිබුණා. දැන් ක්රමානුකූලව රට ස්ථාවර වෙමින් තිබෙනවා. අපි විශ්වාස කරනවා ජනවාරී, පෙබරවාරී මාසය වන විට විදුලි බිල අඩු කරන්න ලැබෙයි කියලා”
වැට් බද්ධ පිළිබඳවද අමාත්යවරයා මෙසේ අදහස් දැක්වීය
” වැට් බද්ද එක්තු වෙනවා. හැබැයි තිබෙන තත්ත්වයට වඩා සහනයක් වෙයි කියලා අපි විශ්වාස කරනවා”
ඇමතිවරයා මේ බව කියා සිටියේ ගම්පහ දිස්ත්රික් ලේකම් කාර්යාලයේදී ඊයේ (06) පැවැති ගම්පහ දිස්ත්රික් සම්බන්ධිකරණ කමිටුවේ ප්රගති සමාලෝචන රැස්වීමෙන් අනතුරුව මාධ්යවේදීන් මතු කළ ප්රශ්නවලට පිළිතුරු දෙමිනි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
