ආණ්ඩුව විසින් ශ්‍රී ලංකා රක්ෂණ සංස්ථාව සහ ටෙලිකොම් ආයතනය ප්‍රතිවිව්‍යුහගතකරණයට එරෙහිව එම ආයතන වල සේවකයින් අද(08) උදේ කොටුව දුම්රියපොල ඉදිරිපිටදී විරෝධතා උද්ඝෝෂණ ව්‍යාපාරයක් පැවැත්විනි.
මෙම විරෝධතා උද්ඝෝෂණ ව්‍යාපාරය ජාතික විරෝධතා දිනය ලෙස නම් කොට තිබුනි.
මේ විරෝධතා උද්ඝෝෂණ ව්‍යාපාරය සංවිධානය කොට තිබුණේ ටෙලිකොම් වෘත්තීය සමිති එකමුතුව හා රක්ශණ සංස්ථා වෘත්තීය සමිති ඇතුලු වෘත්තීය සමිති බහුජන එකතුව මගිනි.
“කෝටි දහස් ගණන් ලාබ ලබන ටෙලිකොම් රනිල් විකුණයි! රක්ශණ සංස්ථාව විකුණන කුමන්ත්‍රණය හකුලා ගනිව්!” ටෙලිකොම් ආයතනයේ 2022 ලාබයකෝටි 900 ක්’යැයි සදහන් සටන් පාට ලියා ඇති පුවරු රැගෙන විරෝධතාකරුවන් උද්ඝෝෂණයේ නිරත වූහ.
විරෝධතාකරුවන් පැය දෙකකට ආසන්න කාලයක් සටන් පාට කියමින් විරෝධතාවයේ නිරත වූ අතර අවසානයේ රැස්වීමක් පවත්වා විසිර ගියහ.
ඡායාරූප;
