කොළඹ LNW:ඊශ්‍රායලය හා හමාස් සංවිධානය අතර සටන් විරාමයක් ආරම්භ කළ යුතු බවට වන යෝජනාවක් එක්සත් ජාතීන්ගේ මහා මණ්ඩල සැසිවාරයේ දී සම්මත කර තිබේ.
යෝජනාවට අදාළව ඡන්ද විමසීමක් පැවැත්වුණු අතර යෝජනාවට පක්ෂව ඡන්ද 153ක් හිමිව ඇත.
යෝජනාවට විරුද්ධව ඡන්ද 10ක් භාවිතා කර ඇති අතර බ්‍රිතාන්‍ය ඇතුළු රටවල් 23ක් ඡන්දය භාවිතා කිරීමෙන් වැළකී සිටින ලදී..
පසුගිය ඔක්තෝබර් 7 වනදා ආරම්භ වු ගැටුම්වලින් මේ වන විට පලස්තීන වැසියන් 18500කට ආසන්න සංඛ්‍යාවක් මියගොස් ඇති අතර ඉන් 70%ක පමණ සංඛ්‍යාවක් කාන්තාවන් හා කුඩා ළමුන් බව සදහන්.
එමෙන්ම ඊශ්‍රායල ප්‍රහාරයන්ගෙන් තුවාල ලැබු පලස්තීන වැසියන් සංඛ්‍යාව 50000කට අධික බව හමාස් සෞඛ්‍ය අමාත්‍යාංශය පවසයි.
මීට පෙර කටාර් රාජ්‍යයේ මැදිහත්වීමෙන් සටන් විරාමයක් ක්‍රියාත්මක වූ නමුත් හමාස් සංවිධානය විසින් කොන්දේසි කඩකළ බවට චෝදනා කරමින් ඊශ්‍රායලය යළි ප්‍රහාර එල්ල කිරීම ආරම්භ කළේය.
ගැටුම් හේතුවෙන් උතුරු ගාසා තිරයේ ඇති බහුතරයක් සාගින්නෙන් පෙළෙන බවද විදෙස් වාර්තා පවසයි.
ASK
