කොළඹ විශ්වවිද්‍යාල‌යේ කුලපතිවරයා ලෙස පත්කළ මුරුත්තෙට්ටුවේ ආනන්ද හිමි අතින් උපාධි සහතිකය ලබා ගැනීම ප්‍රතික්ෂේප කිරීමට පසුගියදා පැවති උපාධි ප්‍රදානෝත්සවයේදී ඇතැම් උපාධිධාරීන් කටයුතු කළ අතර පසුගිය දිනවලදී සමාජ ජාලා මාධ්‍ය හරහා මේ සම්බන්ධයෙන් දැඩිලෙස කතාබහට ලක්විය.
ඔවුන් කුලපතිවරයා අතින් උපාධි සහතිකය ලබා ගැනීම ප්‍රතික්ෂේප කළේ අදාල තනතුර සඳහා සුදුසුකම් නොමැති පුද්ගලයෙකු පත් කිරීම සම්බන්ධයෙන් විරෝධය පළකිරීම සඳහාය. මුරුත්තෙට්ටුවේ ආනන්ද හිමිද ප්‍රකාශ කර තිබුණේ කුලපති තනතුර සඳහා තමාට කිසිදු සුදුසුකමක් නෙමැති බවයි.
උපාධි ප්‍රදානෝත්සවයේදී ඇතැම් උපාධිධාරීන් තමාව ප්‍රතික්ෂේප කිරීම ඔවුන්ගේ අයිතියක් බවත් ඒ සම්බන්ධයෙන් කිසිදු අහිතක් තමා තුළ නොමැති බවත් කුලපති මුරුත්තෙට්ටුවේ ආනන්ද හිමි පවසනවා.
කෙසේ නමුත් කෙතරම් බඩගින්නේ සිටියද සිංහයන් තණකොල නොබුදින බව සියල්ලන් මතක තබාගත යුතු බවයි ආනන්ද හිමි පෙන්වා දෙන්නේ. ඒ් ආකාරයෙන්ම කුමන බාධක පැමිණියද ඒ පිළිබඳව සැළකිලිමත් නොවන බවත්, ජනාධිපතිවරයා තමාට ලබාදුන් තනතුරේ දිගින් දිගටම කටයුතු කරන බවත් ආනන්ද හිමි සඳහන් කරනවා.
UN
