ඉන්ධන මිල ඉහළ යාමත් සමග විදුලි නිෂ්පාදනය සඳහා අතිරේක පිරිවැයක් දැරීමට සිදුවන බැවින් විදුලි ගාස්තු ඉහළ දැමීම කෙරෙහි රජයේ අවධානය යොමුව තිබේ. මේ පිළිබඳව රජයේ ඉහළ නායකයන් සාකච්ඡා කර ඇති බවයි වාර්තා වන්නේ.
නොරොච්චෝලේ ගල් අඟුරු බලාගාරය විටින් විට අඩපනවීම හේතුවෙන් මේ වනවිට විදුලි කප්පාදුවක්ද සිදුවෙමින් තිබෙන අතර දිගින් දිගටම ගල් අඟුරු බලාගාරය අක්රිය වුවහොත් ඉන්ධන භාවිතා කර විදුලිය නිපදවීම ඉහළ දැමීමට සිදුවනු ඇත.
මේ අතර ජලසම්පාදන අමාත්ය වාසුදේව නානායක්කාර මහතා පවසන්නේ විදුලි ගාස්තු ඉහළ දමන්නේ නම් ජල ගාස්තුද ඉහළ දැමිය යුතු බවයි. කෙසේ නමුත් අඩු පරිභෝජනයක් සහිත පරිභෝගිකයන්ට බර නොපටවා වැඩි ජල පරිභෝජනයක් සහිත ජල පාරිභෝගිකයන්ගේ පමණක් ගාස්තු වැඩිකළ යුතු බවයි ඇමතිවරයා පවසන්නේ.
UN
