රැකියාවේ හෝ රැකියා ස්ථානයේ කෙතරම් පීඩනයක් තිබුණද කිසිවෙකුටත් තවත් පුද්ගලයෙකු මරා දැමීමේ අයිතියක් නොමැති බව මහජන ආරක්ෂක අමාත්ය සරත් වීරසේකර මහතා පවසනවා. ඔහු මේ බව සඳහන් කර තිබෙන්නේ තිරුක්කෝවිල් පොලීසියේ පසුගියදා සිදු වූ වෙඩි තැබීමේ සිදුවීම සම්බන්ධයෙන් මාධ්ය වෙත අදහස් දක්වමිනි.
පොලිස් නිළධාරීන් සිව් දෙනෙකුට මරු කැඳවමින්, T56 ගිනිඅවියකින් වෙඩි ප්රහාරයක් එල්ල කළ පොලිස් සැරයන්වරයා නිවාඩු ඉල්ලා තිබූ බවත් නිවාඩු නොලැබුණු නිසා ඔහු දැඩි පීඩාවකින් සිටි බවත් සැරයන්වරයාගේ මව ප්රකාශ කර තිබිණි. කෙසේ නමුත් එවැනි තත්වයක් පිළිබඳව තමාට අනාවරණය වී නොමැති බවයි ඇමතිවරයා සඳහන් කරන්නේ.
මෙම ප්රහාරයෙන් තුවාල ලැබූ තිරුක්කෝවිල් පොලිස් ස්ථානාධිපතිවරයාද මේ වනවිට ප්රතිකාර ලබමින් සිටින බවත්, ඔහු සුව වී පැමිණි පසු පොලිස් ස්ථානයේ ඇති වූ තත්වය පිළිබඳව වැඩිදුර තොරතුරු දැනගත හැකි වනු ඇති බවත් වීරසේකර මහතා පවසනවා.
මෙම සිදුවීම ඉතා අවාසනාවන්ත සිදුවීමක් බව පෙන්වා දෙන ඇමතිවරයා පවසන්නේ ඒ් සම්බන්ධයෙන් විෂයබාර අමාත්යවරයා ලෙස තමන් දැඩි කණගාටුවට පත්වන බවයි.
UN