රෝහින්ග්යා සරණාගතයින් 57 දෙනෙකු එන්ජිම බිඳීගිය ලී බෝට්ටුවක මාසයක් පමණ දිගු මුහුදු ගමනකින් අනතුරුව ඉන්දුනීසියාවේ අචේ පළාතට ගසාගෙන විත් ඇති බව ඉන්දුනීසියානු රජය නිවේදනය කර තිබේ.
මෙම සරණාගතයන් තාවකාලිකව ඉන්දුනීසියාවේ සිථානයක තබන අතර, මෙම පිරිස ආහාර හා ජලය නොමැත්වීම හේතුවෙන් දුර්වලව ඇති හෙයින් තිදෙනෙකු පමණ රෝහල්ගත කර ඇති බව ප්රාදේශීය බලධාරීන් වාර්තා කර තිබේ.
රෝහින්ග්යා මුස්ලිම්වරු, මියන්මාර සම්භවයක් ඇති පිරිසක් වන අතර මියන්මාර හමුදාව විසින් දියත් කරන ලද ජන සංහාරක ව්යාපාරයකින් බේරීමට ඔවුන් බොහෝ පිරිසක් බංග්ලාදේශයට පැන යන ලදි. මොවුන් දේශපාලන අස්ථාවරවීම් හේතුවෙන් පීඩාවට පත් ජනවාර්ගික සුළුතරයකි.
බංග්ලාදේශයේ මේ වන විට කඳවුරුවල පිරිහෙන තත්වයන්, ජන සංඛ්යාව වර්ධනය වීම, ආදී හේතූන් නිසාවෙන් මෑත මාස කිහිපය තුළ මෙලෙස රෝහින්ග්යා සරණාගතයන් කුඩා ධීවර බෝට්ටුවල නැගී රටින පලායනු දක්නට ලැබේ. මෙම බෝට්ටු සමඟ එක්සත් ජාතීන්ගේ සංවිධානය, චන්ද්රිකා තාක්ෂණය ඔස්සේ සම්බන්ධ වූ විට බෝට්ටුවේ සිටි පුද්ගලයන් පවසා තිබුණේ, ඒ වන විට කුඩා දරුවන් ඇතුළු මගීන් ගණනාවක් ආහාර හා ජලය නොමැතිව මිය ගොස් සිටින බවයි.
මේ හේතුවෙන් එක්සත් ජාතීන්ගේ සංවිධානය අග්නිදිග ආසියාවේ අන්දමන් මුහුද අවට රටවල්වලින් ඉල්ලා සිටියේ, බංග්ලාදේශයෙන් පිටවී ගණනක් බලය නොමැතිව පාවෙන රොහින්ග්යා සරණාගතයින් 150 ක් පමණ රැගත් කුඩා ධීවර බෝට්ටුහට සහාය වන ලෙසයි.
සශිකලා මධුෂාණී_
