මහා පරිමාණ මත්පැන් නිෂ්පාදක සමාගම් දෙක විසින් පවත්වාගෙන යන වෙළඳ ඒකාධිකාරිය සම්බන්ධයෙන් බලධාරීන්ට පැමිණිලි කිරීමට සුළු හා මධ්‍ය පරිමාණ මත්පැන් නිෂ්පාදකයින්ගේ සංගමය කටයුතු කරමින් සිටින බව වාර්තා වේ.
ඒ අනුව ලබන සතියේදී මේ සම්බන්ධයෙන් සුරාබදු කොමසාරිස් ජනරල්වරයාට, පාරිභෝගික කටයුතු පිළිබඳ අධිකාරියට සහ මුදල් අමාත්‍යවරයා වශයෙන් කටයුතු කරන ජනාධිපතිවරයාට ද සිය පැමිණිල්ල ඉදිරිපත් කිරීමට ඔවුන් සූදානමින් සිටින බව සඳහන්.
මෙම සමාගම් දෙක විසින් වෙළඳපොලට එල්ල කරන අයුතු බලපෑම් හමුවේ තමන්ට සිදුවන අසාධාරණයට එරෙහිව මෙසේ පැමිණිලි කරන අතර අදාළ බලධාරීන් හරහා සාධාරණය ඉටු කරගැනීමට අපේක්ෂා කරන බවයි සුළු හා මධ්‍ය පරිමාණ මත්පැන් නිෂ්පාදකයින්ගේ සංගමයේ ප්‍රකාශකයකු අප වෙත පැවසුවේ.
