කොළඹ LNW:පසුගිය ජනාධිපතිවරණය සහ මහ මැතිවරණය වෙනුවෙන් නව ප්‍රජාතන්ත්‍රවාදී පෙරමුණ හෙවත් සිලින්ඩරය ලකුණින් එක්ව කටයුතු කළ නමුත් මේ වන විට එම සිලින්ඩර සන්ධානය අවසන් බව හිටපු පාර්ලිමේන්තු මන්ත්‍රී දුමින්ද දිසානායක මහතා පවසයි.
ඒ අනුව ශ්‍රී ලංකා නිදහස් පක්ෂය දැන් තනි පක්ෂයක් බවයි දිසානායක මහතා සඳහන් කරන්නේ.
ඉදිරියේදී පැවැත්වෙන්නේ ප්‍රාදේශීය සභා හෝ පළාත් සභා මැතිවරණය වුවද ශ්‍රී ලංකා නිදහස් පක්ෂය ප්‍රමුඛ සන්ධානය ලෙස ඉදිරිපත්වන බවයි හිටපු මන්ත්‍රීවරයා සඳහන් කරන්නේ.
දුමින්ද දිසානායක මහතා මෙම අදහස් දක්වා සිටියේ ඊයේ (27) ශ්‍රී ලංකා නිදහස් පක්ෂ මූලස්ථානයේ දී පැවති පක්ෂ සාමාජිකයින්ගේ හමුවෙන් අනතුරුව මාධ්‍ය වෙත අදහස් දක්වමිනි.
ආශිකා බ්‍රාහ්මණ
