ස්ථාන තුනකින් සැක කටයුතු ලෙස මියගොස් සිටි පුද්ගලයින් තිදෙනෙකුගේ මළ සිරුරු හමුවී ඇති බව පොලීසිය පවසයි.
උහන, හිමිදුරුවා ප්රදේශයේ වෙල් යායක තිබියදී පිරිමි පුද්ගලයකුගේ මළ සිරුරක් ඊයේ (27) රාත්රියේ හමුවී ඇති අතර ඔහු එම ප්රදේශයේම පදිංචි 37 හැවිරිදි අයකු බව පසුව අනාවරණය වී ඇත.
එසේම පේරාදෙණිය ඉලුක්කණුව ප්රදේශයේ ද වෙල් යායක තිබී 64 හැවිරිදි පිරිමි පුද්ගලයකුගේ මළ සිරුරක් සොයාගෙන තිබේ.
එමෙන්ම කිලිනොච්චිය කරඩිබොක්කු ප්රදේශයේ ඇළක තිබී පිරිමි පුද්ගලයකුගේ මළ සිරුරක් හමුවී ඇති අතර ඔහුගේ අනන්යතාවය මෙතෙක් හඳුනාගෙන නොමැති බව සඳහන්. එම පුද්ගලයා වයස අවුරුදු 40 – 50 අතර පුද්ගලයකු බවයි පොලීසිය පවසන්නේ.
උහන, පේරාදෙණිය සහ කිලිනොච්චි පොලිස් ස්ථාන විසින් වැඩිදුර විමර්ශන සිදුකරයි.
RN
