*
Thursday, June 13, 2024
spot_img

Latest Posts

ධම්මික පෙරේරාට සුබ උපන් දිනයක් !

ඩීපී එඩියුකේෂන් නිර්මාතෘ සහ සම සභාපති, පාර්ලිමේන්තු මන්ත්‍රී ධම්මික පෙරේරා මහතාගේ 56 වැනි උපන් දිනය අදට (28) යෙදී තිබේ. මේ කෙටි සටහන ඒ වෙනුවෙනි.

1967 දෙසැම්බර් 28 වනදා උපත ලද ධම්මික පෙරේරා මහතා හොරණ තක්ෂිලා මධ්‍ය මහා විද්‍යාලයෙන් මූලික අධ්‍යාපනය හදාරා මොරටුව විශ්ව විද්‍යාලයේ NDT පාඨමාලාවක් හදාරණ අතරතුරම වයස අවුරුදු 19 දී ව්‍යාපාරික ක්ෂේත්‍රයට අවතීර්ණ වූ අයෙකි. ඔහු වයස අවුරුදු 45 වනවිට ශ්‍රී ලංකාවේ අංක එකේ ව්‍යාපාරිකයා බවට පත්වූයේ දැවැන්ත ව්‍යාපාර අධිරාජ්‍යයක් ගොඩනංවමිනි.

සාර්ථක ව්‍යාපාරයක් බිහිකිරීම යනු සියලු දෙනාටම කළ හැකි දෙයක් නොවේ. එසේ සාර්ථක ව්‍යාපාරිකයින් වන අය අතරින් පවා රටක ඉහළම මට්ටමේ ව්‍යාපාර ජාලයක් බිහි කළ හැක්කේ අතළොස්සකට පමණි. ඒ අතරිනුත් අංක එකට පැමිණිය හැක්කේ ඕනෑම රටක නිශ්චිත කාල සීමාවක් තුළ ඉතාම ස්වල්ප දෙනෙකුටම පමණි. එහෙයින් ධම්මික පෙරේරා යනු විශේෂ චරිතයකි.

එහෙත් ඔහු ශ්‍රී ලංකාවට අදාළව සුවිශේෂී චරිතයක් වන්නේ ව්‍යාපාරික ක්ෂේත්‍රය දිග්විජය කරමින් 60,000 දහසකට අධික පිරිසකට රැකියා සපයන අති දැවැන්ත ව්‍යාපාර ජාලයක් නිර්මාණය කළ නිසා නොවේ. එම ව්‍යාපාර ජාලය බැංකු හා මූල්‍ය, සංචාරක හා විනෝදාස්වාද කර්මාන්ත, තේ රබර් ඇතුළු වැවිලි කර්මාන්ත, ඉලෙක්ට්‍රොනික උපකරණ, ඇඟළුම් ක්ෂේත්‍රය ආශ්‍රිත කර්මාන්ත, සෙරමික් නිෂ්පාදන ඇතුළු ක්ෂේත්‍ර ගණනාවක් කරා විහිදුවමින් දෙස් විදෙස් මට්ටමින් ව්‍යාප්ත කළ නිසා ද නොවේ. රටේ සමස්ත අපනයන ආදායමෙන් විස්සෙන් එකක් උපදවන සමාගම් ජාලයක නිර්මාතෘවරයා වූ නිසා ද නොවේ. ශ්‍රී ලංකාවේ අංක එකේ කෝටිපතියා වශයෙන් ජාත්‍යන්තර පිළිගැනීමට පත්වූ නිසා ද නොවේ.

ධම්මික පෙරේරා ශ්‍රී ලංකාවට සුවිශේෂී වන්නේ එක්තරා මොහොතක ඔහු ධනය ඉපයීමෙන් සතුටු වීම අත්හැරිය නිසා ය. එසේ ධනය ඉපයීමෙන් සතුටු වීම අත්හැර දමා, තමන් ඉපයූ ධනය රටේ දස ලක්ෂ සංඛ්‍යාත දුවාදරුවන්ගේ අධ්‍යාපනය නඟා සිටුවීමට වැය කිරීමට තීරණය කළ නිසාය. ඊටත් වඩා, තමන් දැවැන්ත ව්‍යාපාරික අධිරාජ්‍යයක් ගොඩනැංවීම සඳහා යෙදවූ කාලය, ශ්‍රමය, දැනුම, අත්දැකීම් යන සියල්ලම රටේ දුවා දරුවන්ට විධිමත්, ගුණාත්මක අධ්‍යාපනයක් ලබාදීම සහතික කරනු වස් කැප කරමින් ඩීපී එඩියුකේෂන් සමාජ සත්කාරය නිර්මාණය කළ නිසාය. නිදහස් අධ්‍යාපනයේ සැබෑ අරුත යුගයට ගැළපෙන පරිදි ප්‍රතිස්ථාපනය කරමින් ඈත එපිට ගම්දනව් සිසාරා දැයේ දුවා දරුවන්ට ඩිජිටල් අධ්‍යාපනය ලබාදීමට පෙරමුණ ගත් නිසා ය.

ධම්මික පෙරේරා යනු යමක් 100% ක්ම අංග සම්පූර්ණ වනතුරු සෑහීමකට පත්වන්නෙක් නොවේ. එහෙයින් ඩීපී එඩියුකේෂන් වැඩසටහන, එය විය යුතු ආකාරයෙන්ම අති විශිෂ්ට ලෙස සකස් වුණි. එය හුදෙක් ධනය වීසිකර පාරම්බෑමක් ලෙස කිසිවෙකුට පෙන්වා දිය නොහැක්කේ එය දැනටමත් ආසියාවේ අංක එකේ පාසල් අධ්‍යාපන ඩිජිටල් වේදිකාව බවට පත්ව ඇති හෙයිනි. ජපානය, කොරියාව, චීනය, ඉන්දියාව වැනි දියුණු රටවල් හා තරග කරමින් ආසියාවේ අංක එකට පැමිණීමට හැකිවීම යනු අප වැනි රටකට කවර මට්ටමේ ජයග්‍රහණයක්ද යන්න අමුතුවෙන් කිවයුතු නොවේ. ඒ ජයග්‍රහණයේ ප්‍රතිලාභය ධම්මික පෙරේරාට හෝ ඩීපී එඩියුකේෂන් කණ්ඩායමට නොව රටේ දුවාදරුවන්ට වීම මෙහි ඇති ඉහළම ජයග්‍රහණයයි.

ඩීපී එඩියුකේෂන් කෝඩින් ස්කූල් වැඩසටහන හා මොරටුව විශ්වවිද්‍යාලය එක්ව පවත්වාගෙන යන Trainee Fullstack Developer ඔන්ලයින් පාඨමාලාව ද යුරෝපා සංගමයේ සම්මානයට පාත්‍ර වී තිබිණි. ඒ, තවත් ජාත්‍යන්තර මට්ටමේ ජයග්‍රහණයකි. ඩීපී එඩියුකේෂන් අයිටී කැම්පස් ජාලය ශාඛා 100 පසුකරමින් දැනටමත් වේගයෙන් දිවයින පුරා ව්‍යාප්ත වෙමින් පවතින අතර 2025 වනවිට සෑම ප්‍රාදේශීය ලේකම් කොට්ඨාසයකම එයින් ශාඛාවක් ස්ථාපිත වනු ඇත.

ධම්මික පෙරේරා යනු කුඩා සිහින දකින්නෙක් නොවේ. ඔහු තම ධාරිතාවටම අනුව දැවැන්ත සිහින දකින්නෙකි. ඩීපී එඩියුකේෂන් අයිටී කැම්පස් හරහා සිලිකන් වැලී ඔෆීස් නිර්මාණය කරමින් තොරතුරු තාක්ෂණ ක්ෂේත්‍රයේ රැකියා ලක්ෂ 10ක් බිහිකිරීම ඔහුගේ එක් සිහිනයකි. ඩීපී එඩියුකේෂන් වැඩසටහන යටතේම පවතින භාෂා පාසැල සහ වෘත්තීය පුහුණු අංශය හරහා තවත් ලක්ෂ 10 කට දෙස් – විදෙස් රැකියා අවස්ථාවන් විවර කරදීම ඔහුගේ තවත් සිහිනයකි. මේවා වෙනත් අයෙකු දුටුවා නම් හුදෙක් සිහින පමණක්ම වන්නට වැඩි සම්භාවිතාවක් තිබෙන බව ඇත්ත ය. එහෙත් මේවා ධම්මික පෙරේරාගේ සිහින වූ නිසාම කිසිදු රාජ්‍ය මැදිහත් වීමක් නොමැතිවත් එය දැනටමත් පියවරෙන් පියවර යථාවත් වෙමින් තිබේ.

ඉතිහාසය නිර්මාණය වන්නේ පුද්ගලයින් මත පිහිටමින් නොවේ. නොඑසේ නම් ඓතිහාසික සංසිද්ධි වලදී පුද්ගල සාධකය තීරණාත්මකම වන්නේ නැත. එහෙත් ඉතිහාසය පවා යම් නිශ්චිත මොහොතකට අදාළව සුදුසුම පුද්ගලයා පැමිණෙන තුරු කල්බලන බවක් කියැවේ. ශ්‍රී ලංකාවට අදාළව ගත් කල දශක ගණනක් තිස්සේ උත්සන්න වූ ආර්ථික අර්බුදයක් පුපුරා ගිය මොහොතක, රටේ අනාගතය සම්බන්ධ බලාපොරොත්තු බොඳවෙමින් පැවති මොහොතක ධම්මික පෙරේරාගේ මැදිහත් වීම ඓතිහාසික සිදුවීමක් වශයෙන් ලියවෙනු නියතය. ඒ කවරාකාරයෙන්ද යන්න තීරණය කිරීම ජනතාවට බාර ය.

ධම්මික පෙරේරා මහතාණෙනි, ඔබට සුබ උපන් දිනයක් !

~ Team LNW

Latest Posts

spot_img

දේශපා

Don't Miss

Stay in touch

To be updated with all the latest news, offers and special announcements.

eskişehir escort sakarya escort sakarya escort bayan eskişehir escort bayan