සටහන – රෂිකා හෙන්නායක
කොළඹ (LNW): ඉන්දියන් සාගරය තුළ අද (29) පෙරවරු 8ට පමණ සිදුවූ භූ කම්පනයත් සමඟ
එම කාලාපය තුළ මේ වනවිට සිදුවී ඇති කම්පන සංඛ්යාව 4කි.
අද පෙරවරු 8ට සිදුවූ කම්පනය රික්ටර් පරිමාණයේ ඒකක 5ක් ලෙස සටහන්වී ඇති බව, භූ විද්යා සමීක්ෂණ සහ පතල් කාර්යාංශයේ ජ්යේෂ්ඨ භූ කම්පන විද්යාඥ නිල්මිණි තල්දෙන මහත්මිය පැවසුවේය .
මීට පෙර රික්ටර් පරිමාණයේ ඒකක 4.8ක්, 5.2ක් සහ 5.8ක් ලෙස කම්පන 3ක් වාර්තාවී තිබුණි.
භූ විද්යා සමීක්ෂණ සහ පතල් කාර්යාංශය සඳහන් කළේ ඉන් ශ්රී ලංකාවට බලපෑමක් නොමැති බවය.
ඉන්දියානු සාගරයේ මාලදිවයින ආසන්නයේ මෙම භූ කම්පන වාර්තා වී ඇත.
සාගර පතුලේ කඳුවැටියක මෙම භූ කම්පන හටගෙන ඇති බවද වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
