ප්‍රවීණ ගායන ශිල්පී රෝහණ බැද්දගේ මතාගේ ගීතයක් විකෘති කිරීම සම්බන්ධයෙන් සැකපිට සුරාබදු නිලධාරියෙකු පරිගණක අපරාධ විමර්ශන කොට්ඨාසය විසින් අත් අඩංගුවට ගෙන තිබේ.
අවුරුදු සමයේ නිරන්තරයෙන් විකාශය කෙරෙන “සූරිය මංගල්ලේ” නම් ගීතය විකෘති කර සමාජ මාධ්‍ය ඔස්සේ ප්‍රචාරය කිරීම සම්බන්ධයෙන් පොලිස්පතිවරයා වෙත ඉදිරිපත් කරන ලද පැමිණිල්ලකට අනුව මෙසේ අත් අඩංගුවට ගෙන ඇත්තේ තලාතුඔය ප්‍රදේශයේ පදිංචි 31 හැවිරිදි සුරාබදු නිලධාරියෙකි.
ඔහුව ඊයේ (16) වාරියපොල පිහිටි වයඹ පළාත් පරිගණක අපරාධ විමර්ශන ඒකකයේදී අත් අඩංගුවට ගෙන ඇති අතර අද දිනයේදී ඔහුව කුලියාපිටිය මහේස්ත්‍රාත් අධිකරණයට ඉදිරිපත් කිරීමට නියමිත බව සඳහන්.
RN
