සටහන – රෂිකා හෙන්නායක
අප්‍රේල් 21, කොළඹ (LNW):රජයේ ඖෂධ සංයෝජක නිලධාරීන්ගේ සංගමය විසින් හෙළිදරව් කර සිටින්නේ, මෙරට රෝහල් පද්ධතිය තුල ඖෂධ සංයෝජක නිලධාරීන් 300 ට වැඩි පිරිසකගේ හිඟයක් පවතින බවයි.
ඒ හේතුවෙන් රෝහල් පද්ධතිය මේ වන විට ගැටලු රැසකට මුහුණ පා ඇති බව, එහි සභාපති උදේනි දසනායක මහතා සඳහන් කළේය.
තවද, සෞඛ්‍ය සේවා අධ්‍යක්ෂ ජනරාල් අසේල ගුණවර්ධන මහතා පැවසුවේ වසර 05 කට වැඩි කාලයක සිට එම නිලධාරීන්ගේ හිඟය පවතින බවත්, එම හිඟයට පිළියමක් ලෙස මේ වසර තුළ ඖෂධ සංයෝජක නිලධාරින් බඳවා ගැනීමට කටයුතු කරන බවත් ඔහු ප්‍රකාශ කළේ ය.
ඔහු වැඩිදුරටත් සඳහන් කළේ , පුරප්පාඩු සංඛ්‍යාව බඳවා ගෙන ඔවුන් වසර එකහමාරක ඖෂධ සංයෝජක පුහුණුවෙන් අනතුරුව රෝහල් පද්ධතියට යොමු කරන බවයි.
