පුත්තලම ක්වාසි අධිකරණයේ විනිසුරුවරයෙකු රුපියල් 5000 ක අල්ලස් මුදලක් ලබාගන්නා අවස්ථාවේදී අල්ලස් හෝ දූෂණ චෝදනා විමර්ශන කොමිසමේ නිලධාරීන් විසින් අත් අඩංගුවට ගෙන තිබේ.
මෙසේ අත් අඩංගුවට ගත් විනිසුරුවරයා පුත්තලම මහේස්ත්රාත් අධිකරණයට ඉදිරිපත් කිරීමෙන් අනතුරුව මැයි 06 වනදා දක්වා රක්ෂිත බන්ධනාගාරගත කර ඇත.
පුත්තලම ක්වාසි අධිකරණයෙන් ලබා දී තිබූ දික්කසාද නඩු තීන්දුවකට අදාළව දික්කසාද සහතිකය ලබාදීම සඳහා සැකකරු විසින් අල්ලස් මුදල ඉල්ලා ඇති බවට පුත්තලම වෙට්ටාලෙයි ප්රදේශයේ පදිංචිකාරියක් විසින් කරන ලද පැමිණිල්ලකට අනුව මෙම අත්අඩංගුවට ගැනීම සිදුකළ බවයි අල්ලස් හෝ දූෂණ චෝදනා විමර්ශන කොමිසම සඳහන් කරන්නේ.
RN
