කොළඹ LNW:ශ්රී ලංකා නිදහස් පක්ෂයේ වත්මන් අර්බුදවලට වගකිවයුතු බවට හිටපු ජනාධිපති මෛත්රීපාල සිරිසේන මහතාට එල්ල වන චෝදනා වලට අද (01) වෘත්තීය සමිති නායකත්වයෙන් දේශපාලනයට පිවිසි ශ්රී ලංකා නිදහස් පක්ෂය බිහිකිරීමේ පුරෝගාමීයකු වූ T.B. ඉලංගරත්න ශූරීන්ගේ පිළිරුවට උපහාර දැක්වීමේ අවස්ථාවේ සිරිසේන මහතා ඊට ප්රතිචාර දක්වා සිටියා.
එහිදී සිරිසේන මහතා පැවසුවේ වේලිච්ච ගස්වලට නොව ගල් ගසන්නේ ඵල ඇති රුක්වලට සහ මල් පිපෙන ගස් වලට බවයි,
කෙසේවෙතත් තමන් තවමත් ශ්රීලනිප සභාපති වුවද පවතින වාරණ නියෝගය හේතුවෙන් පත්කර තිබෙන සෙසු නිලධාරීන් පක්ෂයේ කටයුතු සිදුකරගෙන යන බවත් ඉදිරියේදී ශ්රීලනිප ජනාධිපති අපේක්ෂක ලෙස විජයදාස රාජපක්ෂ මහතා ඉදිරිපත් කිරීමට පක්ෂයේ බහුතරයේ කැමැත්ත ඇති බවත් මෛත්රීපාල සිරිසේන මහතා පැවසුවා.
ශ්රීලනිපයෙන් ආණ්ඩුවට ගිය 11 දෙනා වෙනුවට ආණ්ඩුවෙන්ද හොඳ කෙනෙක් ශ්රීලනිපයට ගත් බවත් විජයදාස රාජපක්ෂ මහතාට දැන් ආණ්ඩුවේ ඇමති ධූරය ගැන වුවමනාවක් නැති බවත් නිසි වෙලාවේදී ඒ ගැන තීරණයක් ගනු ඇති බවත් හෙතෙම තවදුරටත් සඳහන් කළා.
ASK
