ජනාධිපති රනිල් වික්‍රමසිංහ මහතා අද (18) උදෑසන ඉන්දුනීසියාව බලා පිටව ගොස් තිබේ.
ඒ, ඉන්දුනීසියාවේ බාලි හි පැවැත්වෙන 10 වැනි ලෝක ජල සමුළුවේ ඉහළ පෙළේ සැසියට සහභාගී වීම සඳහා ය.
ඉන්දුනීසියානු ජනාධිපති ජෝකෝ විඩෝඩෝ මහතාගේ ආරාධනයක් මත රනිල් වික්‍රමසිංහ මහතා සංචාරයෙහි නිරත වන අතර මැයි 20 වනදා ඒ මහතා සමුළුව අමතමින් සිය විශේෂ දේශනය සිදුකිරීමට නියමිතව ඇත.
මේ අතර රනිල් වික්‍රමසිංහ මහතා ඉන්දුනීසියානු ජනාධිපතිවරයා ඇතුළු එරට ඉහළ පෙළේ නියෝජිතයින් කිහිපදෙනෙකු සමග ද්විපාර්ශ්වික සාකච්ඡාවල නිරත වීමටත් නියමිතව ඇති බවයි ජනාධිපති මාධ්‍ය අංශය පවසන්නේ.
RN
