සටහන – රෂිකා හෙන්නායක
මැයි 19 ලෝකය (අවුට්බවුන්ඩ් ටුඩේ): පරීක්ෂා කිරීමට සහ සාක්ෂි රැස් කිරීමට නීතිය ක්‍රියාත්මක කරන බලධාරීන්ට ඇති බලතල පුළුල් කරමින් චීනය නව රෙගුලාසි ප්‍රකාශයට පත් කර තිබෙන ජාත්‍යන්තර මාධ්‍ය පවසයි.
ඒ අනුව ආපසු සිය රට බලා යන චීන ජාතිකයින්ට සහ රටට පැමිණෙන ජාත්‍යන්තර සංචාරකයින්ට නව රෙගුලාසි බලපානු ඇති බව සඳහන් වේ.
ජූලි 1 සිට ක්‍රියාත්මක වීමට නියමිත නව රෙගුලාසි යටතේ, චීනයේ ප්‍රාන්ත පොලිසියට ඔවුන්ගේ හැඳුනුම්පත පෙන්විය හැකි අතර අපරාධ හෝ නීති විරෝධී ක්‍රියාවක් සිදුවී ඇත්දැයි සොයා බැලීම සඳහා විද්‍යුත් දත්ත රැස් කිරීමට ස්මාර්ට් ෆෝන්, ලැප්ටොප් සහ වෙනත් විද්‍යුත් උපාංග පිළිබඳව ද සොයා බැලිය හැකි බව පැවසේ.
ජාත්‍යන්තර විචාරකයන් මෙම පියවර දකින්නේ චීන කොමියුනිස්ට් පක්ෂ තන්ත්‍රය මුහුණ දෙන පෙර නොවූ විරූ අර්බුදයට ප්‍රතිචාරයක් ලෙස වන අතර, එම විචාරකයින්ගේ ප්‍රකාශ චීනයට සංචාරය කිරීමෙන් වැළකී සිටින ලෙස මිනිසුන්ට කරන උපදෙස් ලබාදීමක් බව විදෙස් මාධ්‍ය පැවසුවේය.
එමෙන්ම ඇතැම් විදෙස් මාධ්‍ය චීනයේ මෙම රෙගුලාසි හඳුන්වා දී ඇත්තේ ජාතික ආරක්ෂාව සහතික කිරීම සඳහා චීනය ගත් නව පියවරක් ලෙසයි. චීනයේ රජයට අයත් පුවත්පතක් වන Legal Daily ට අනුව, නව රෙගුලාසි මගින් හදිසි අවස්ථා වලදී ඉලෙක්ට්‍රොනික උපාංග සෘජුවම පරීක්ෂා කිරීමට හා නීතිය ක්‍රියාත්මක කිරීමට බලධාරීන් වෙත බලය ලබා දෙනු ඇති බව පැවසේ.
හදිසි අවස්ථා යනු කුමක්ද යන්න පිළිබඳ පැහැදිලි නිර්වචන නීති රීතිවල නොමැති වුවද, පොලිස් හෝ ඔත්තු බැලීමේ අක්තපත්‍ර ඉදිරිපත් කළ හැකි බවද වාර්තා වේ.
