සටහන – රෂිකා හෙන්නායක ජුනි 24, කොළඹ (LNW):
ලොරෙන්සෝ පුතා හතර බහුධින යාත්රාව මුහුදු කොල්ලකරුවන්ගේ ග්රහණයෙන් මුදාගත් එහි ධීවරයින් 6 දෙනා ද සමඟ මාස පහකට පසු දික්ඕවිට වරායට පැමිණි බව වාර්තා වේ.
මෙම වසරේ ජනවාරි 17 වනදා ලොරෙන්සෝ පුතා හතර ධීවර යාත්රාව ධීවර කටයුතු සදහා තම මංගල ගමන ආරම්භ කළේ දික්ඕවිට වරායෙන් වන අතර, ඊට ධීවර සාමාජිකයින් 6 දෙනෙකු එක්ව සිටියා. එම යාත්රාව ජනවාරි 27 වනදා ආරාබි මුහුදේ දී සෝමාලියානු මුහුදු කොල්ලකරුවන්ගේ ග්රහණයට ලක්විය.
කෙසේ වුව ද සීෂෙල්ස් වෙරළාරක්ෂක බලකාය මගින් යාත්රාව හා ධීවරයින් බේරා ගැනුණු අතර ඊට නාවික හමුදාව, ධීවර අමාත්යාංශය හා විදේශ කටයුතු අමාත්යාංශය සම්බන්ධීකරණයෙන් දායකත්වය ලබාදී තිබුණි.
මාස 5කට පසු මෙම ධීවර යාත්රාව ධීවරයින් 6 දෙනා ද සමග ඊයේ රාත්රීයේ දික්ඕවිට වරායට පැමිණි බව සඳහන් වේ.