කොළඹ LNW: හැමදාමත් වල්පාලමේ සිටිය නොහැකි අතර ස්ථිර පාලමක් සාදා ගත යුතු බවත් එක්සත් ජාතික පක්ෂයේ ජාතික ලේකම් රවී කරුණානායක මහතා පවසයි.
මේ වන විට රටේ ගොඩනැගෙමින් තිබෙන ස්ථාවරභාවය මත විදේශ ආයෝජන පැමිණීමට පටන් ගෙන ඇති බවයි රවී කරුණානායක මහතා සඳහන් කරන්නේ.
රට ණය බරින් එලියට පැමිණිය යුතු අතර එයට බිය වී ඇතැමුන් රාක්ෂයන්,බිල්ලන් මවමින් සිටින බවයි ඔහු තවදුරටත් පවසන්නේ.
ශ්‍රී ලංකාව ණය ගෙවිය යුතු ආකාරය පිළිගැනීමෙන් අනතුරුව සියයට 28 මුහුණත අගය කපා හැරීමෙන් රටක් හැටියට ඉදිරියට යාමට හැකියාව ලැබෙන බවයි රවී කරුණානායක මහතා පෙන්වා දෙන්නේ.
මෙම තත්ත්වය මත නවතා තිබූ විදෙස් ආයෝජන නැවත ආරම්භ වෙන බවද ඔහු කියාසිටියි.
ආශිකා බ්‍රාහ්මණ
