රෂිකා හෙන්නායක ජූලි 22, කොළඹ (LNW):
වතු ආශ්‍රිත , හැටන් ඇතුළු ප්‍රධාන නගර වල දින කිහිපයක සිට ලිට්‍රෝ ගෘහස්ථ ගෑස් හිඟයක් පවතින බව අලෙවි නියෝජිතයින් සහ පාරිභෝගිකයන් පවසති.
මාසයක පමණ කාලයක සිට ලිට්‍රෝ ගෑස් සමාගම විසින් අලෙවි නියෝජිතයන්ට ඉල්ලුමට සරිලන ගෑස් තොග නිකුත් නොකිරීම සහ නියමිත කාල සටහන අනුව ගෑස් තොග බෙදා නොහැරිම නිසා ගෑස් හිඟය මතු වි ඇති බව, හැටන් ප්‍රදේශයේ ගෑස්අලෙවි නියෝජතයන් පවසා සිටී.
තම අලෙවි නියොජිත ආයතන සතු හිස් ගෑස් සිලින්ඩර් පවා ආයතනය විසින් රැගෙන ගියද , එම හිස් ගෑස් සිලින්ඩර් වලට අදාල ගෑස් පිරවු සිලින්ඩර් සති කිහිපයක සිට ලබා නොදුන් බව අලෙවි නියෝජිතයන් තව දුරටත් ප්‍රකාශ කර සිටියේය.
ලිට්‍රෝ ගෑස් නොලැබීම හමුවේ හැටන් නගරයේ ගෑස් අලෙවිසැල් කිහිපයක් වසා දමා තිබෙන බවද වාවාර්තා වේ
