කොළඹ පිහිටි පොහොට්ටුවේ ජාතික සංවිධායක නාමල් රාජපක්ෂ මන්ත්රීවරයාගේ නිවසේ දී, නාමල් රාජපක්ෂ සහ රාජ්ය ඇමති ලොහාන් රත්වත්තේ අතර උණුසුම් වචන හුවමාරැවක් සිදුව තිබෙන බව වාර්තා වෙනවා.
ඔහුගේ නිවසට රාත්රි කාලයේ පැමිණ ඇති ලොහාන් රත්වත්තේ මහතා සමග සිදුවූ මෙම බහින්බස්වීම ගුටිබැට හුවමාරුවක් දක්වා වර්ධනය වීම නිවසේ සිටි පිරිසේ මැදිහත් වීමෙන් වලක්වා ඇතැයි පැවසෙන අතර , ඉදිරි ජනාධිපතිවරණයේ දී රනිල් වික්රමසිංහ මහතාට සහාය දීම සම්බන්ධයෙන් දෙදෙනා අතර මෙම වචන හුවමාරු සිදු වී තිබෙන බවයි කියන්නේ. නිවසේ සිටි නාමල් රාජපක්ෂ මන්ත්රීවරයාගේ මව වන ශිරන්ති රාජපක්ෂ මහත්මිය මැදිහත්වී මෙම වචන හුවමාරුව ගුටිබැට හුවමාරුවක් දක්වා වර්ධනය නොවීමට වගබලාගෙන ඇතැයි කියනවා.
ලොහාන් රත්වත්තේ රාජ්ය අමාත්යවරයා එහිදී තදින්ම සඳහන් කර ඇත්තේ ඉදිරි ජනාධිපතිවරණයේ දී පොහොට්ටුව පක්ෂයක් ලෙස ජනාධිපතිවරයාට සහාය දිය යුතු බව යැයි වාර්තා වේ.
