මේ මේ වන විට ගාලු මුව දොර පිටියට දිවයිනේ විවිධ දෙසින් විශාල ජනතාවක් රැස්වෙමින් සිටින අතර අද උදෑසන සිටම එහි ජනාධිපති ගෝඨාභය රාජපක්ෂ ඇතුළු ආණ්ඩුවට එරෙහිව විරෝධතා පැවැත්වෙයි.
පැය 48ක් අඛණ්ඩව මෙම විරෝධය ක්‍රියාත්මක අතර ජනතාව තවදුරටත් අවධාරණය කරමින් සිටින්නේ ජනාධිපතිවරයා ප්‍රමුඛ ආණ්ඩුවම ගෙදර යා යුතු බවයි.
තවදුරටත් බලයේ රැඳී සිටීමට කිසිදු අයිතියක් ඔවුන්ට නැති අතර වහාම බහුතර ජනතාවකගේ හඬට කන් දිය යුතු බවටයි විරෝධතාවට එක්ව සිටින්නන් පවසන්නේ.
සමාජයේ විවිධ තරාතිරම්වල සිටින පුද්ගලයින් මෙම පොදු ජන විරෝධයට එක්ව සිටින බව පෙනෙන්නට තිබෙයි.
පොදු ජන අරගලය සමඟ කලාකරුවන්,වෘත්තීය සමිති නායකයින්,වෘත්තිකයින්,තරුණ තරුණියන් ඇතුළු බොහෝ පිරිස් අද ගාලු මුවදොර පිටියට එක් රැස්ව සිටින අයුරු දිස්වෙයි.
ASK
