සටහන – රුවන් නෙළුගොල්ල
මෙවර ජනාධිපතිවරණය ජයග්‍රහණය කිරීම සඳහා නන් අයුරින් උදව් දුන් සියලුම දෙනාට ස්තූතිවන්ත වන බව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පවසයි.
“මේ සටන අපි දිනුවා. ඒක අමාරු සටනක්. පළමුවෙන්ම මේ ජයග්‍රහණය වෙනුවෙන් අපට උදව් කරපු සියලු දෙනාට, ඡන්දය දීපු ජනතාවට, අපට නන් අයුරින් සහාය දීපු හැමෝටම, මාධ්‍යවේදීන්ට, සමාජ මාධ්‍යවල වැඩකරපු හැමෝටම ස්තූතිවන්ත වෙනවා. මොකද මේක විශේෂ ජයග්‍රහණයක්. අපේ රටේ මෙතෙක් තිබිච්ච ප්‍රභූ පන්තිය අත තිබිච්ච බලය, වලව් කීපයක් අත තිබිච්ච බලය වෙනස්වෙලා සාමාන්‍ය පොදු ජනතාවගේ පාලනයක් සඳහා ජනතාව ජන වරමක් දීලා තියෙනවා. ඒ නිසා විශේෂ වෙනසක් තියෙනවා, විශේෂ ජයග්‍රහණයක් තියෙනවා. ඒ වගේම ඒ ජනතාව අපි ගැන තිබ්බ බලාපොරොත්තු වෙනස් නොකර ඉටු කරනවා කියන සහතිකය අපි දෙනවා”
ටිල්වින් සිල්වා මහතා මේ බව පැවසුවේ ඊයේ (22) පස්වරුවේ මාධ්‍ය වෙත අදහස් දක්වමිනි.
