කොළඹ LNW:ජනතාවගේ තීන්දුවට හිස නමන අතර කණ්ඩායමක් ලෙස නියෝජනය කරන මතය අනුව රටක් ලෙස ඉදිරියට යන බව සමඟි ජන බලවේගයේ පාර්ලිමේන්තු මන්ත්‍රී කබීර් හෂීම් මහතා පැවසුවේය.
මන්ත්‍රීවරයා මේ බව පැවසුවේ අද (23) විපක්ෂ නායක කාර්යාලයේ පැවති සාකච්ජාවකින් අනතුරුව මාධ්‍ය වෙත අදහස් දක්වමිනි.
ජනාධිපතිවරණ තීන්දුව සහ ඉදිරි කටයුතු ගැන විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් විපක්ෂ නායක කාර්යාලයේ සාකච්ජාවක් පවත්වා තිබුණි.
රට වෙනුවෙන් තමන් නියෝජනය කරන දේශපාලන කඳවුර දිනවීමට ඉදිරියේදී කටයුතු කරන බවද කබීර් හෂීම් මහතා සඳහන් කරන ලදී.
රට වෙනුවෙන් ජනාධිපතිවරයාට සහය දෙන අතරම පාර්ලිමේන්තු මැතිවරණයේදී සජබ ආණ්ඩුවක් පිහිටුවීමට කටයුතු කරන බවද ඔහු ප්‍රකාශ කළේය.
සමඟි ජන බලවේගයට ජන්ද පදනමක් තිබෙන අතර ආණ්ඩු බලයක් ගත හැකි බවයි මන්ත්‍රීවරයා පැවසුවේ.
ආශිකා බ්‍රාහ්මණ
