සටහන – පුන්සරා ලියනගේ
ඔක්තෝබර් 21,(ලෝකය )අවුට්බවුන්ඩ් ටුඩේ:ටයිටැනික් නෞකාව “ගිල්විය නොහැකි නෞකාව” ලෙස ප්‍රකාශයට පත් කිරීමෙන් මාස ගණනකට පසු 1912 අප්‍රේල් 14 වන දින අලුයම මුහුදුබත් වූයේ ඛේදජනක ඉරණමකට මුහුණ දෙමිනි.
එකළ එම සමුද්‍ර ව්‍යසනයෙන් ආසන්න වශයෙන් 1,500 දෙනෙකුගේ පමණ ජීවිත අහිමි වූ අතර ඔවුන් නැව සමඟ ගිලී සහ අත්ලාන්තික් සාගරයේ අධික ශීතල හේතුවෙන් මිය ගිය අයවලුන් වේ.
එකළ අන්තර්ජාලය නොමැතිව වුවද, ටයිටැනික් නෞකාව ගිලී යාම ලෝකයේ විශාලතම ප්‍රවෘත්තිය වූ අතර එය අද වනවිට ද එය බොහෝ දෙනාගේ සිත් ඇදගන්නා සුළු ප්‍රවෘත්තියක් ව හමාරය.
කෙමෙන් කෙමෙන් යටගියා වූ මෙම සිදුවීම පසුව සිනමාකරණයටද පවා පාත්‍ර විය.
1997 වසරේ ජේම්ස් කැමරන් විසින් අධ්‍යක්ෂණය කරන ලද සහ ලෙනාඩෝ ඩිකැප්‍රියෝ සහ කේට් වින්ස්ලට් රඟපෑ බ්ලොක්බස්ටර් සිනමාංඟය ඇතුළු වාර්තා චිත්‍රපට මෙන්ම පොත් පත් සහ හොලිවුඩ් චිත්‍රපට දුසිම් ගණනකින් ටයිටැනික් මුහුදුබත් වීමේ සිදුවීම ජනප්‍රිය වී ඇත.
ඛේදවාචකය සිදුවූයේ කෙසේද යන්න බොහෝ දෙනෙකුට හුරුපුරුදු නමුත්; අයිස් කුට්ටියක් වැඳී නැව සිදුරු වීම, ගුවන්විදුලි ප්‍රොටෝකෝල නිසි අනතුරු ඇඟවීමකට ඉඩ නොදීම, ජීවිතාරක්ෂක බෝට්ටු හිඟය මැද ව්‍යසනය මග හැරීමට කටයුතු කළ පුද්ගලයින්ගේ කථා එතරම් ප්‍රසිද්ධ නැත.
ලොව ප්‍රමුඛ පෙළේ පුද්ගලයන් කිහිප දෙනෙකු මෙම නෞකාවේ යාත්‍රා කිරීමට නියමිතව තිබූ නමුත් මංගල ගමනට සහභාගී විය හැකිව තිබුණේ අතලොස්සකට පමණි. ඇත්ත වශයෙන්ම, ටයිටැනික් නෞකාව එක්සත් රාජධානියේ සවුත්හැම්ප්ටන් සිට නිව්යෝර්ක් වෙත පිටත් වීමට පෙර මාසවලදී, 1900 ගණන්වල මුල් භාගයේ ප්‍රවේශපත්‍ර ලබා ගැනීමට ලොකු පොරයක් පැවතිනි.
ටයිටැනික් නෞකාවේ යාත්‍රා කිරීමට සැලසුම් කළ නමුත් කිසි දිනෙක එහි නොගිය ප්‍රසිද්ධ මිනිසුන් හත් දෙනෙක් ගැන මෙසේ හැඳින ගමු!
1. Milton Hershey
Bettmann/Getty Images
Hershey’s chocolate සමාගමේ නිර්මාතෘ, Milton Hershey, 1912 වසන්තයේ දී ඔහුට සහ ඔහුගේ බිරිඳට Titanic ප්‍රවේශපත්‍ර යුගලයක් වෙන් කරවා ගැනීම සඳහා White Star Line වෙත ඩොලර් 300ක් යැවීය. ටයිටැනික් හි මංගල ගමනට යාත්‍රා කිරීමට සූදානම් වූ නමුත් Milton Hershey ට හදිසි කටයුත්තක් සඳහා නැවත ඇමරිකාවට යාමට අවශ්‍ය වූ අතර අවසානයේ ජර්මානු නෞකාවක් වන ඇමරිකා හි ස්ථානයක් සොයා ගැනීමට හැකි විය.
2. Guglielmo Marconi
Bettmann/Getty Images
ගුවන් විදුලියේ නව නිපැයුම්කරුද ටයිටැනික් නෞකාවේ මංගල ගමනේ යෙදෙන්නට නියමිතව තිබුණේ නොමිලේ ටිකට් පතක් ලබා දීමෙන් පසුවය. කෙසේ වෙතත්, ඔහුගේ ස්ටෙනෝග්‍රැෆර් නෞකාවට ගොඩවීමට ටික කලකට පෙර රෝගාතුර වූ බව සඳහන් ව ඇත.
3. J. P. Morgon
FPG/Getty Images
ජෝන් පියර්පොයින්ට් මෝගන් වඩාත් පොදුවේ හඳුන්වනු ලබන්නේ “J.P. Morgan” ලෙසින් ය. ඔහු J.P. Morgan පුද්ගලික බැංකුවේ නිර්මාතෘ වූ අතර 1911 දී ටයිටැනික් දියත් කිරීමේ සාදයට පැමිණ සිටියේ ඔහු ටයිටැනික් නිර්මාතෘ වූ වයිට් ස්ටාර් ලයින් සතු ජාත්‍යන්තර වෙළඳ නාවික සබඳතා ද ආරම්භ කළ බැවිනි.
4. Henry Clay Frick
Apic/Getty Images
ටයිටැනික් නෞකාව ඉදිකරන විට හෙන්රි ක්ලේ ෆ්‍රික් Carnegie Steele හි සභාපතිවරයා වූ අතර, ඔහුට සහ ඔහුගේ බිරිඳට ද එහි මංගල ගමනට ප්‍රවේශපත්‍ර පිරිනමන ලදී. මුහුදු ගමනට ටික වේලාවකට පෙර ඔවුන් ඉතාලියේ සංචාරය කරමින් සිටියදී ඔහුගේ බිරිඳගේ වළලුකර උළුක්කු වූ අතර, ඔවුන් ඇයට සුවය ලැබීමට කාලය ලබා ගනිමින් එහි රැඳී සිට තිබේ.
5. George Washington Vanderbilt II
Biltmore
දෙවන ජෝර්ජ් වොෂින්ටන් වැන්ඩර්බිල්ට් බටහිර උතුරු කැරොලිනාවේ බිල්ට්මෝර් වතුයායේ වැන්ඩර්බිල්ට් ධනයේ විශාලතම ස්ථාවර ස්මාරකය ආරම්භ කිරීම සඳහා වඩාත් ප්‍රසිද්ධය. 1888 දී ඔහු කාමර 250 කින් යුත් තම මන්දිරයේ ගොඩනැගිල්ල අධීක්‍ෂණය කළ අතර එය දැන් මහජනතාවට අර්ධ වශයෙන් විවෘත කර ඇත. 1912 දී, වැන්ඩර්බිල්ට් සහ ඔහුගේ බිරිඳ ටයිටැනික් නෞකාවේ මංගල ගමනේ ගමන් කිරීමට ප්‍රවේශපත්‍ර තිබූ නමුත්, එම ගමන අනතුරුදායක විය හැකි බවට එම යුවළට අනතුරු අඟවා, නෞකාව යාත්‍රා කිරීමට සතියකට පෙර ඔවුන්ගේ ප්‍රවේශපත්‍ර අවලංගු කළ බව වාර්තා වේ.
6. Theodore Dreiser
Charles Sheeler/Getty Images
20වන සියවසේ සුප්‍රසිද්ධ නවකතාකරුවෙකු වූ Theodore Dreiser, ඔහුගේ මතක සටහන් වන A Traveler at Forty සඳහා කතන්දර එකතු කිරීමට යුරෝපයට ගොස් තිබුණි. ඔහු පසුව පොතේ ලියා ඇත්තේ නවකතාවට එකතු කිරීම සඳහා ටයිටැනික් නෞකාවේ සශ්‍රීකත්වය දැකීමට තමා බලා සිටින බවයි. අවසාන මොහොතේ, ඔහුගේ ප්‍රකාශකයා ටයිටැනික් නෞකාවට දින දෙකකට පෙර එංගලන්තයේ ඩෝවර් වෙතින් පිටත් වූ කුඩා සහ ලාභදායී නෞකාවක ගමන් මාර්ගය වෙන්කරවා ගන්නා ලෙස ඔහුගෙන් ඉල්ලා සිටියේය. එම තීරණය ඔහුගේ ජීවිතය බේරා ගැනීමට සමත් විය.
7.John R. Mott
Bettmann/Getty Images
YMCA සභාපති සහ එවැන්ජලිස්ත John R. Mott ටයිටැනික් නෞකාවේ නොමිලේ ප්‍රවේශ පත්‍රයක් පිරිනැමූ ප්‍රමුඛ සමාජ සාමාජිකයින් කිහිප දෙනෙකුගෙන් කෙනෙකි. කෙසේ වෙතත්, ඔහු සහ ඔහුගේ සගයා වඩාත් නිහතමානී නෞකාවක් වන ලැප්ලන්ඩ් හි ගමන් කිරීමට තීරණය කළහ. Mott චරිතාපදාන රචක C. Howard Hopkins ට අනුව, Mott නිව් යෝර්ක් වෙත පැමිණ ටයිටැනික් නෞකාව පිළිබඳ පුවත දැනගත් විට, ඔහු තම ගමන් සගයා දෙස බලා, “The Good Lord must have more work for us to do.” යනුවෙන් පැවසූ බව සඳහන් කරයි.
