කොළඹ LNW:ශ්‍රී ලංකා – චීන මිත්‍රත්ව සංගමය (SLCFA) විසින් විශේෂ ජායාරූප ප්‍රදර්ශනයක් අද (28) සහ හෙට (29) යන දිනයන්හි කොළඹ මහජන පුස්තකාලයේ ප්‍රදර්ශන ශාලාවේදී සංවිධානය කර තිබේ.
එම ප්‍රදර්ශනයේ සමාරම්භය අද (28) දින බස්නාහිර පළාත් ආණ්ඩුකාර හනිෆ් යුසුෆ් මහතාගේ සහ ශ්‍රී ලංකාවේ චීන තානාපති ක්‍යු ෂෙන්හොන්ග් (Qi Zhenhong) මහතාගේ ප්‍රධානත්වයෙන් සිදුවිය.
”විමුක්තියෙන් පසු : 75 වසරක චීන සංවර්ධනය” යන තේමාවෙන් මෙම ප්‍රදර්ශනය පැවැත්වෙයි. මෙරට චීන තානාපති කාර්යාලයේ මඟපෙන්වීම මත මෙම ප්‍රදර්ශනය සංවිධානය කර තිබෙන බවයි එහි සංවිධායකයින් නිවේදනය කරන්නේ.
1949 චීන විප්ලවයේ සිට චීනයේ කැපී පෙනෙන ඓතිහාසික සිදුවීම් අවස්ථා ප්‍රදර්ශනය කරන මෙම ප්‍රදර්ශනය චීන ඉතිහාසය කියාපාන සුවිශේෂී අවස්ථාවක් ලෙස දැක්විය හැකියි.
යටිතල පහසුකම් සංවර්ධනය, තාක්ෂණය සහ සමාජ සංවර්ධනය යන පැතිකඩ ඔස්සේ චීනය මේ වන විට ගෝලීය නායකත්වය සපයන රටක් ලෙස පරිවර්තනය වී තිබෙනවා.
ඒ අනුව ගෙවුණු 75 වසරක චීනය දිනාගත් නවීකරණය,කාර්මිකකරණය සහ ආර්ථික ප්‍රතිසංස්කරණ මෙම ජායාරූප ප්‍රදර්ශනය මඟින් දැකගත හැකියි.
ආශිකා බ්‍රාහ්මණ
