හිටපු මහ බැංකු අධිපති අජිත් නිවාඩ් කබ්රාල් මහතාට එරෙහිව කොළඹ මහේස්ත්‍රාත් අධිකරණය විසින් පනවා තිබෙන විදෙස් ගමන් තහනම එළඹෙන මැයි මස 02 වැනිදා දක්වා දීර්ඝ කිරීමට කොළඹ අතිරේක මහේස්ත්‍රාත් හර්ෂණ කැකුණවෙල මහතා නියෝග කර තිබේ.
ඒ, අනුව මැයි මස 02 වැනිදා අධිකරණය හමුවේ පෙනී සටින ලෙස හිටපු මහ බැංකු අධිපතිවරයාට අද (18) සිතාසි නිකුත් කර ඇත.
පසුගිය 07 වැනිදා කොළඹ මහේස්ත්‍රාත් අධිකරණය විසින් අද දින අධිකරණය හමුවේ පෙනී සිටින ලෙස කබ්රාල් මහතාට සිතාසි නිකුත්කර තිබුණද ඔහු අධිකරණය හමුවේ අද පෙනී නොසිටි අතර ඔහු වෙනුවෙන් නීතිඥ ජීවන්ත ජයතිලක මහතා අධිකරණය හමුවේ පෙනී සිටිමින් කබ්රාල් මහතාට එරෙහිව පවතින පුද්ගලික පැමිණිල්ල ගැන විරෝධතා ඉදිරිපත් කරන බවට කරුණු දක්වා තිබුණි.
හිටපු ආණ්ඩුකාර කීර්ති තෙන්නකෝන් මහතා විසින් චෝදනා 06ක් මත හිටපු මහ බැංකු අධිපතිවරයාට එරෙහිව මෙම පුද්ගලික පැමිණිල්ල ගොණු කර ඇත.
ASK
