ලංකා ඛනිජ තෙල් නීතිගත සංස්ථාවේ ද ඉන්ධන මිල ඉහළ ගිය ගොත් බස් ගාස්තුවල පූර්ණ සංශෝධනයක් කිරීමට සිදුවනු ඇති බව සමස්ත ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසුවේය.
ඒ, අද (18) කොළඹදී පැවති මාධ්‍ය හමුවකදීය.
ඉන්දියන් ඔයිල් සමාගමේ ඉහළ ගිය ඉන්ධන මිලට සාපේක්ෂව සිපෙට්කෝ ඉන්ධන මිල ද ඉහළ යාමේ අවධානමක් පවතින හෙයින් එලෙස මිල වැඩි වුණහොත් බස් ගාස්තු දෙගුණයකින් පමණ වැඩි වනු ඇති බවයි ඔහු කියා සිටියේ.
මේ අතර දැනට බොහෝ ප්‍රදේශවල සිපෙට්කෝ ඉන්ධන පිරවුම්හල් නොමැති හෙයින් ඉන්දියන් ඔයිල් සමාගමේ පිරවුම්හල් වෙතින් බස් රථ සඳහා ඩීසල් ලබා ගැනීමට සිදුවන අතර එම තත්ත්වය මත අදාළ ප්‍රදේශවල බස් ගාස්තු සංශෝධනය වනු ඇති බවද ගැමුණු විජේරත්න මහතා කියාසිටියේය.
ASK