සටහන – රුවන් නෙළුගොල්ල
අද (නොවැම්බර් 14) දිනයේදී ධාවනය වීමට නියමිතව තිබුණු දුම්රිය ගමන් වාර 10ක් අවලංගු කර ඇති බව දුම්රිය ස්ථානාධිපතිවරුන්ගේ සංගමය පවසයි.
ඒ, දුම්රිය රියදුරන් සහ රියදුරු සහායකයින් නොමැති වීම හේතුවෙනි.
එමෙන්ම අද දිනයේදී ධාවනය වීමට ඇති තවත් දුම්රිය ගමන් වාර 22ක් අවිනිශ්චිත තත්වයක පවතින බවත් සඳහන්.
දුම්රිය රියදුරන් සහ නියාමකවරුන් බඳවා ගැනීමට කටයුතු නොකිරීම හේතුවෙන් මෙම තත්වය උද්ගතව ඇති බව දුම්රිය ස්ථානාධිපතිවරුන්ගේ සංගමය පවසන අතර මේ දුම්රිය මගීන් දැඩි අපහසුතාවට පත්ව ඇති බවත් ඔවුහු පවසති.
