කොළඹ LNW:ජනාධිපති අරමුදල අවභාවිතා කර ඇති බවට චෝදනා එල්ල වී තිබෙන හිටපු පාර්ලිමේන්තු මන්ත්රීවරු සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර තිබේ.
අද (06) ඒ බව අපරාධ පරීක්ෂණ දෙපාර්තමේන්තුව විසින් කොළඹ මහේස්ත්රාත් අධිකරණය වෙත දැනුම් දීම සිදුකළේය.
අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය විසින් එම විමර්ශන සිදුකරන අතර එහි ප්රගතිය ඉදිරියේදී අධිකරණයට වාර්තා කරන ලෙස ඉදිරිපත් වූ කරුණු සලකා බැලූ කොළඹ කොටුව මහේස්ත්රාත් නිළුපුලී ලංකාතිලක මහත්මිය අපරාධ පරීක්ෂණ දෙපාර්තමේන්තුවට නියෝග කරන ලදී.
මේ අතර විමර්ශනවලට අවශ්ය ඉදිරි නියෝග වේ නම් ඒවා අධිකරණය වෙතින් ලබා ගැනීමට කටයුතු කරන ලෙස ද මහෙස්ත්රාත්වරිය අපරාධ විමර්ශන දෙපාර්තමේන්තුවේ වාණිජ අපරාධ විමර්ශන කොට්ඨාශයට දැනුම් දුන්නාය.
ආශිකා බ්රාහ්මණ
