රෂිකා හෙන්නායක ජනවාරි 08, කොළඹ (LNW):
උතුරු මැද පළාතේ පාසල්වල 6 සහ 7 ශ්‍රේණිවල තුන්වන වාර පරීක්ෂණයේ විභාගය පැවැත්වීමට පෙර එහි ප්‍රශ්න බාහිර සමාජයට මුදා හැරීමේ චෝදනාව මත වරද පිළිගත් ගුරුවරියගේ වැඩ තහනම් කල බව උතුරු මැද පළාත් අධ්‍යාපන දෙපාර්තමේන්තුව පවසයි.
එම ගුරුවරිය, අනුරාධපුර අධ්‍යාපන කලාපයට අයත් ඇලයාපත්තුව ප්‍රදේශයේ පාසලක සේවය කළ බව වාර්තා වේ. ඒ අනුව, ජනවාරි 7 වන දින පළාත් අධ්‍යාපන බලධාරීන් විසින් වැඩ තහනමට ලක් කරන ඇති බව වාර්තා වේ. මූලික විමර්ශනයකට යටත්ව රාජකාරියෙන් ඉවත් කර අදාළ මෙම ගුරුවරියගේ වැඩ තහනමට ලක් කළ බව, උතුරු මැද පළාත් අධ්‍යාපන අධ්‍යක්ෂ එස්. එම්. ඩබ්ලිව්. සමරකෝන් මහතා පැවසුවේය.
