ආණ්ඩුව විසින් ඊයේ දින ජනතා උද්ඝෝෂණ අහෝසි කිරීමට දැරූ උත්සාහයන්ට එරෙහිව අද (25) අන්තර් විශ්ව විද්‍යාල ශිෂ්‍ය බල මණ්ඩලය විසින් මානව හිමිකම් කොමිසමට පැමිණිල්ලක් ඉදිරිපත් කළේය.
එහි කැඳවුම්කරු වසන්ත මුදලිගේ මාධ්‍ය වෙත පැවසුවේ උද්ඝෝෂණ මර්දනය කිරීම සඳහා ඊයේ දින යොදා ගෙන තිබුණු උල් කටු සහිත බැරියර් මඟින් ජනතාවගේ ප්‍රජාතන්ත්‍රවාදී අයිතිවාසිකම් උල්ලංඝනය කර තිබෙන බවයි.
එමෙන්ම ශිෂ්‍ය නායකයින්ගේ නිවෙස් වෙත ගොස් පොලීසිය බලපෑම් කර තිබෙන බවද ඔහු සඳහන් කරන ලදී.
රටේ යුක්තිය අහිමි යන මොහොතක නැති වෙමින් තිබෙන බලය රැක ගැනීම සඳහා රාජපක්ෂවරු විවිධ සෙල්ලම් දැමීමට උත්සහ කළද ආණ්ඩුවට දැන් ගෙදර යන්නම සිදුවන බවයි ඔහු වැඩිදුරටත් අවධාරණය කළේ.
ASK
