සටහන – රුවන් නෙළුගොල්ල
මේ දිනවල සිදුකෙරෙන්නේ ජනතා මුදල් අවභාවිතා කළ දේශපාලන ක්ෂේත්රයේ පිරිසකට එරෙහිව නීත්යානුකූලව කටයුතු කිරීමක් මිස දේශපාලන පළිගැනීමක් නොවන බව ධීවර, ජලජ සහ සාගර සම්පත් නියෝජ්ය අමාත්ය රත්න ගමගේ මහතා පවසයි.
“අල්ලනකොට රිදෙනවායි කියකිය මේ දවස්වල වැළපෙනවානෙ හැමතැනම. ජනතා මුදල් අවභාවිතයට ලක්කරපු දේශපාලන ක්ෂේත්රයේ ඉන්න අයට එරෙහිව නීත්යානුකූලව කටයුතු කරනවා. මේක මේ දේශපාලන පළිගැනීමක් නෙවෙයි. රිදෙන්න පුළුවන් කට්ටියකට, ඒ වගේම මේකෙන් වැළපෙන්නත් පුළුවන්, වැළලෙන්නත් පුළුවන් තව පිරිසක් මේකෙන් මේ … මේ … කණගාටුවට පත්වෙලා දේශපාලන කෝණයෙන් බලනවා නම්. කිසියම් ආකාරයක රතු එළියක් පත්තු කිරීමක් මේක, ඒ නිසා සූදානම් වෙන්න ඕනෙ තමන් කිසියම් විදියකට මහජන මුදල් කොල්ලකාලා තිබුණා නම් ඒකට නීත්යානුකූල විදියට මුහුණ දෙන්න”
නියෝජ්ය ඇමති රත්න ගමගේ මේ බව පැවසුවේ ඊයේ (ජනවාරි 25) පැවති මාධ්ය හමුවක් අමතමිනි.
