කොළඹ LNW:එජාප – සමඟි සාකච්ජා තවදුරටත් අවසන් එකඟතාවකට පැමිණ නැති අතර මේ සතියේදීත් අදාළ සාකච්ජා සිදුකෙරෙන බව එක්සත් ජාතික පක්ෂයේ මහ ලේකම් තලතා අතුකෝරළ මහත්මිය පවසයි.
යම්කිසි ආකාරයකින් සාකච්ජා අසාර්ථක වුවහොත් ඒ පිළිබඳව රටට හෙළිකරන බවයි ඇය සඳහන් කරන්නේ.
”මේ වෙනකොට තාමත් සාකච්ජා සිදුවෙමින් පවතිනවා. අවසානයේ එකඟතාවකට එන්න බැරුව අසාර්ථක වුණොත් අපි ඒ ගැන රටට හෙළිකරනවා. එච්චරයි. තාම අවසානයක් අපි දැකල නැහැ. මේ සතියේ කතා බහ කරනවා. එකඟතාවකට ආවොත් ඉස්සරහට යනවා. එහෙම නැතිවුණොත් අපිට එක්සත් ජාතික පක්ෂය විදිහට විතරක් තීරණය කරන්න බෑනේ. අපි මේකෙදි කියන්නේ මේ මැතිවරණය තමයි ඉතාම වැදගත් හැම පක්ෂයකම ගමේ දර දිය අදින මිනිස්සුන්ගේ මැතිවරණය. මේ මැතිවරණයේදී පක්ෂ නායකයෝ සියලු දෙනාටම පක්ෂයේ වගකිව යුතු හැමදෙනාටම වගකීමක් තියෙනවා ඒ අය වෙනුවෙන් මේ වෙලාවේ රටේ බරපතල තත්ත්වයක් ඇතිවෙලා තියෙන වෙලාවක අනිවාර්යයෙන්ම එකට එකතු වෙලා මුල් අඩිතාලම දාන්න.” යනුවෙන් අතුකෝරළ මහත්මිය පවසයි.
ආශිකා බ්‍රාහ්මණ
