රෂිකා හෙන්නායක පෙබරවාරි 16, කොළඹ (LNW):
අද (16) විශේෂ ප්‍රවෘත්ති සාකච්ඡාවක් කැඳවමින්, එක්සත් ජාතික පක්ෂය (UNP) සමග සාකච්ඡා පැවැත්වීම සඳහා සමගි ජන බලවේගය (SJB) වෙනුවෙන් පත්කළ කමිටුවෙන් තමන් ඉවත්වන බව සමගි ජන බලවේගය ජාතික සංවිධායක තිස්ස අත්තනායක මහතා දැනුම් දී ඇත.
අත්තනායක මහතා සිය ඉවත්වීම පිළබඳ වැඩිදුරටත් අදහස් දක්වමින්,
“සාකච්ඡා ආරම්භකරන්න තීරණය කරලා තිබුණේ අපේ කෘතියාධිකාරී මණ්ඩලය හා කළමණාකරන කමිටුව. ඒ පිළිබඳ අපහැදිළිකමක් තිබුණා නම් ඒ පිළිබඳ වාර්තා කරන්න තිබුණා.
සාකච්ඡා ඉදිරියට ගෙනියන්න අවශ්‍ය නැත්නම් ඒ පිළිබඳ තීරණය කරලා මේ සාකච්ඡාවල දොර වහන්න තිබුණා. ඒ හැර එකිනෙකාට දෝෂාරෝපණය කිරීම මේකට අදාළ නෑ.
ඒ නිසා මේ සාකච්ඡා පිළිබඳ පක්ෂය යම් ස්ථාවරයක් දරණවා නම්, ඒ ස්ථාවරය ඊළඟ කෘතිතියාධිකාරි මණ්ඩලය තීරණය කරන තුරු මම නැවත මේ සාකච්ඡාවලට එකතුවෙන්නේ නෑ”. යැයි පැවසීය.
