මහනුවර දුම්රිය ස්ථානයේ සිට සති අන්තයේ ගමන් කරන “ඇල්ල ඔඩිසි” නව දුම්රිය නිරීක්ෂණය කිරීම සඳහා ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා ඊයේ (16) මහනුවර දුම්රිය ස්ථානයට පැමිණියේය.
දුම්රිය ස්ථානාධිපතිවරයා දුම්රිය ස්ථානය ඉදිරිපිටට පැමිණ ටිල්වින් සිල්වා මහතාව පිළිගත් අතර ප්‍රවාහන හා මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා සහ ඉහළ පොලිස් නිලධාරීන් පිරිසක් ද ඒ අවස්ථාවට එක්වූහ.
දුම්රිය ස්ථානයට ඇතුළු වූ ටිල්වින් සිල්වා මහතාව කාන්තාවක් විසින් රතු මල් කළඹක් පිළිගන්වා පිළිගනු ලැබිණි.
දෙස් විදෙස් සංචාරකයින් සමග දුම්රිය මැදිරියකට ගොඩවූ ඒ මහතා දුම්රිය ගමනට ද එකතු වූයේය.
