කොළඹ LNW:නැවත දැනුම්දෙන තුරු යාල ජාතික වනෝද්යානය තාවකාලිකව වසා දැමීමට තීරණය කර තිබේ.
පසුගිය දින දෙක තුළ ඇදහැළුණු ධාරානිපාත වර්ෂාව හේතුවෙන් යාල වනෝද්යානයේ මාර්ග බොහොමයක් ජලයෙන් යටවී ඇති හෙයින් සතුන්ගේ මෙන්ම සංචාරකයින්ගේ ආරක්ෂාව වෙනුවෙන් මෙම පියවර ගෙන ඇත.
ඒ අනුව වර්ෂාව පහව යන තෙක් වනෝද්යානය වසා දැමීමට තීරණය කර තිබේ.
වාර්තා වෙන අන්දමට වනෝද්යානය තුළ මාර්ග කිහිපයක්ද ජලයෙන් යටවී ඇති අතර වැව් ඉවුරු කිහිපයක්ද කඩාගෙන ගොස් ඇති බව සඳහන්.
ඒ අනුව යාල කලාප අංක 1ට අදාළ කටගමුව හා පලටුපාන පිවිසුම් දොරටු වසාදමා ඇත.
ආශිකා බ්රාහ්මණ
