කොළඹ LNW:සංචාරක කේෂ්ත්‍රයේ නිරත පිරිස වෙනුවෙන් දායක විශ්‍රාම වැටුප් ක්‍රමවේදයක් මේ වසර තුළ හඳුන්වාදීමට නියමිත බව සංචාරක නියෝජ්‍ය අමාත්‍ය රුවන් චමින්ද රණසිංහ මහතා පවසයි.
සමගි ජන බලවේගයේ පාර්ලිමේන්තු මන්ත්‍රී හේෂා විතානගේ මහතා අද (05) පාර්ලිමේන්තුවේ දී විසින් අසන ලද පැනයකට පිළිතුරු දෙමින් නියෝජ්‍ය අමාත්‍යවරයා මේ බව සඳහන් කළේය.
සමාජ සුබසාධන වැඩසටහනක් ද සංචාරක කේෂ්ත්‍රයේ නිරත පිරිස වෙනුවෙන් පැවැත්වීමට නියමිත අතර සංචාරක කේෂ්ත්‍රයේ අනාගතය වෙනුවෙන් සංචාරක ආකර්ෂණ ස්ථාන 100ක් මේ වනවිට හඳුනාගනිමින් සිටින බවද නියෝජ්‍ය අමාත්‍යවරයා සඳහන් කරන ලදී.
එක් ආකර්ෂණයක් සඳහා රු මිලියන 10 බැගින් වෙන්කර එහි මුලික පහසුකම් සංවර්ධනය කිරීමට ද රජය බලාපොරොත්තු වෙයි.
මේ අතර සංචාරකයින් වෙනුවෙන් විවේක මධ්‍යස්ථාන ඉදිකිරීමට ද රජයේ අවධානය යොමුව තිබේ.
ආශිකා බ්‍රාහ්මණ
