සටහන – රුවන් නෙළුගොල්ල
අම්බලන්තොට, කොග්ගල්ල ප්‍රදේශයේදී අද (මාර්තු 31) අලුයම වෙඩි තැබීමක් සිදුව තිබේ.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් එම ප්‍රදේශයේ නිවසක සිටි පුද්ගලයකුට වෙඩිතබා පළාගොස් ඇති බව සඳහන්.
වෙඩි ප්‍රහාරයෙන් තුවාල ලැබූ පුද්ගලයා හම්බන්තොට රෝහලට ඇතුළත් කර ඇත.
කලක සිට පැවැති පුද්ගලික ආරවුලක් හේතුවෙන් මෙම වෙඩිතැබීම සිදුව ඇති අතර වෙඩිතැබීම සඳහා මෙරට නිෂ්පාදිත ගිනිඅවියක් භාවිතා කර ඇතැයි දැනට සිදුකරන ලද විමර්ශනවලදී අනාවරණය වී ඇති බව වාර්තා විය.
අම්බලන්තොට පොලීසිය වැඩිදුර විමර්ශන සිදුකරයි.
