විපක්ෂයේ එකමුතු බලවේගයක් නිර්මාණය කිරීම තම කණ්ඩායමේ අරමුණ වුවත් විපක්ෂය එම අවස්ථාවෙන් ප්රයෝජන නොගැනීම තම බලවත් කණගාටුවට කරුණක් බව නියෝජ්ය කථානායක රංජිත් සියඹලාපිටිය මහතා පවසයි.
මෙය අර්බුදය මධ්යයේ සටන පාවාදීමක් බවයි ඒ මහතා ප්රකාශ කළේ.
ඊයේ උදෑසන වනවිටත් තිබුණේ විපක්ෂය විසින් තමන්ගේ නම නියෝජ්ය කථානායක වශයෙන් යෝජනා කරන තත්වයක් බව පැවසූ ඒ මහතා එම ඡන්ද විමසීමේදී ඇතිවූ තත්වය නිසා තමන් විපක්ෂයට යෑමේ තත්වය කිසිසේත්ම වෙනස් නොවන බවත් සඳහන් කළේය.
රංජිත් සියඹලාපිටිය මහතා මේ බව පැවසුවේ ඊයේ (05) නියෝජ්ය කථානායක ඡන්ද විමසීමෙන් අනතුරුව පාර්ලිමේන්තුවේදී අදහස් දක්වමිනි.
පාර්ලිමේන්තුවේ නියෝජ්ය කථානායක වශයෙන් කටයුතු කළ ඒ මහතා ජනාධිපතිවරයාට සහ ශ්රී ලංකා පොදුජන පෙරමුණට විරෝධය පළ කරමින් අප්රේල් 30 වනදා සිට තනතුරෙන් ඉල්ලා අස්වූ අතර මැයි 05 වනදා යළිත් ශ්රී ලංකා පොදුජන පෙරමුණේම සහාය ලබමින් එම තනතුරටම පත්වූයේය.
RN
