රෂිකා හෙන්නායක මැයි 15, කොළඹ LNW :
2023 වසරේ වැලිකඩ පොලීසිය මගින් අත්අඩංගුවට ලැබූ මෙහෙකාර සේවයේ නියුතු ආර්. රාජ කුමාරි නමැති කාන්තාවකට පහරදී මරා දැමීමේ සිද්ධිය සම්බන්ධයෙන් චෝදනා ලබා සිටින එම පොලිසියේ හිටපු නිලධාරින් තුන් දෙනෙකුට එරෙහිව පූර්ව නඩු විභාග සම්මන්ත්රණය ජූලි මස 21වනදා කැඳවන ලෙස කොළඹ මහාධිකරණය අද නියම කළ බව වාර්තා වේ.
මෙම නඩුව කැඳවනු ලැබුවේ කොළඹ මහාධිකරණ විනිසුරු ආර්.එස්.එස්. සපුවිද මහතා ඉදිරියේ වන අතර, ඉදිරිපත් වූ කරුණු සලකා බැලූ විනිසුරුවරයා මෙම නඩුව, පූර්ව නඩු විභාග සම්මන්ත්රණය සඳහා ජූලි මස 21 වන දක්වා කැඳවීමට නියම කළ බව පැවසේ.
වැලිකඩ පොලිසියේ සේවය කළ උප පොලිස් පරීක්ෂකවරයකු ඇතුළු නිලධාරින් තුන්දෙනෙකුට එරෙහිව නීතිපතිවරයා විසින් මෙම නඩුව ගොනු කර තිබෙන බව පැවසේ.
